dhaymoolenews.com
Natiijada Kulan ay Addis-ababa ku Yeesheen Safiirro Somaliland & Sucuudiga ka Kala Socday
July 6, 2017 - Written by wariye999

Reading View. Press Alt Shift A for accessibility help.

Addis Ababa(Dhaymoole)- Safiirka dalka Sacuudiga u fadhiya waddanka  Itoobiya Mr. Cabdalla Farax Alarjani, ayaa shaaca ka qaaday in dalkiisu furdaamin doono xayiraada xoolahii Soomaalida lagu soo rogay, kulan dhexmaray Safiir-xigeenka Somaliland u fadhiya Itoobiya Ayaanle Salaad Diiriye.

Qoraal kooban oo Safiir Ayaanle Salaad ka soo saaray kulanka ku dhexmaray Safiirka Sacuudiga Alarjani xafiiska safaarada Somaliland ee Addis Ababa ayuu ku sheegay: “Kulan aan xafiiska safaarada Somaliland ee Itoobiya kula yeeshay Safiirka Sacuudiga u fadhiya Itoobiya H.E. Cabdalla Fareh Alarjani ayaa laga hadlay danaha labada wadan wadaagaan & sidii loo sii xoojin lahaa, xilligan oo xiisad ka soo korodhay Gacanka Carabta..

Safiir Ayaanle ayaa raaciyey qoraalkan warbaahinta u kala diray waxa uu ku yidhi, “Safiirka Sacuudiga Cabdalla Fareh ayaa amaanay doorka Jamhuuriyada Somaliland iska taagtay xiisada Gacanka, isla markaana ballanqaaday in dalkiisu furdaamin doono xayiraada xoolaha, oo wada xaajoodkii lagaga wada hadlay.”

Kulanka Ku-xigeenka safaarada Jamhuuriyada Somaliland ee dalka Itoobiya Safiir Ayaanle Salaad Diiriye iyo Safiirka dalka Sacuudiga u fadhiya H.E. Cabdalla Fareh Alarjani oo natiijooyin muuqda ka soo baxeen ayaa ku soo beegmaya kulamo maalmahii u dambeeyey Safiir Ayaanle Salaad kula yeelanay xafiiskiisa qaar ka mid ah Wasiirada Arrimaha Dibeda Qaarada Afrika, oo ka qeybgalka  kal-fadhigii Midowga Afrika u soo gaadhay magaalada Addis Ababa.

COMMENTS
Latest News